Fjölmiðlar á Ítalíu segja að svisslenski miðjumaðurinn Granit Xhaka sé á leið í herbúðir AS Roma í ítalska boltanum.
Jose Mourinho hefur miklar mætur á Xhaka og er talið að Roma borgi tæpar 20 milljónir evra fyrir miðjumanninn.
Xhaka, sem verður 29 ára í haust, er fyrirliði svissneska landsliðsins og var áður fyrr fyrirlði Borussia Mönchengladbach. Hann var einnig fyrirliði Arsenal en bandið tekið af honum eftir ósætti við stuðningsmenn.
Xhala á tvö ár eftir af samningi sínum við Arsenal en hann var keyptur til félagsins fyrir fimm árum og kostaði þá 45 milljónir evra.
Xhaka spilaði 220 leiki á fimm árum hjá Arsenal.
Athugasemdir