Viktor Gyökeres opnaði markareikninginn
Sænski framherjinn Viktor Gyökeres skoraði sitt fyrsta mark með Arsenal í dag.
Svíinn var nánast ósýnilegur í fyrsta leik liðsins í 1-0 sigrinum á Manchester United í síðustu viku.
Mikil umræða hefur verið um ágæti Gyökeres sem raðaði inn mörkunum með Sporting í Portúgal, en ekki voru margir heillaðir af fyrstu frammistöðu hans.
Hann var fenginn inn til að skora og náði hann að létta aðeins á pressunni með fyrsta marki sínu er hann kom Arsenal í 3-0 gegn Leeds í kvöld.
Gyökers fékk boltann vinstra megin, lék inn á teiginn og setti boltann fast í vinstra hornið.
Staðan er núna 4-0 fyrir Arsenal. Jurrien Timber skoraði fyrsta markið eftir hornspyrnu, Bukayo Saka annað með laglegri afgreiðslu úr teignum og þá gerði Timber fjórða markið og það aftur eftir hornspyrnu.
Sjáðu fyrsta mark Gyökeres í Arsenal-treyjunni
Athugasemdir
