Arsenal vann stórsigur á Leeds í úrvalsdeildinni í dag. Það voru góðar fréttir fyrir Arsenal að Viktor Gyökeres er búinn að opna markareikninginn en hann skoraði tvennu í 5-0 sigri.
Það voru hins vegar ekki bara góðar fréttir því fyrirliðinn Martin Ödegaard og Bukayo Saka þurftu að fara af velli vegna meiðsla.
„Ödegaard er meiddur á öxl. Hann mun fara í myndatöku á morgun svo við áttum okkur betur á alvarleikanum. Saka þurfti að fara af velli eftir sprett, þegar hann var að glíma við varnarmann fann hann fyrir einhverju aftan í læri," sagði Arteta.
Saka hefur verið að kljást við meiðsli aftan í læri en Arteta talaði um að í þetta sinn væru meiðslin á hinum fætinum.
Það yrði mikið áfall fyrir Arsenal að missa þessa leikmenn í meiðsli en næsti leikur liðsins er á Anfield gegn Liverpool á sunnudaginn eftir viku. Kai Havertz er einnig frá vegna meiðsla.
Athugasemdir
