Jamie Carragher er ekki sérlega hrifinn af Unai Emery og segist sjá litlar sem engar breytingar á Arsenal frá því að hann tók við af Arsene Wenger í fyrra.
Tölfræðilega hefur gengi Arsenal verið nánast alveg eins ef borið er saman tíma Emery hjá félaginu við síðustu tímabil Wenger þar.
Arsenal tapaði 1-0 fyrir nýliðum Sheffield United á mánudaginn og er í 5. sæti, með 15 stig eftir 9 umferðir.
„Ég hef sagt þetta áður. Ég sé engan mun á Arsenal núna og síðustu tímabil Arsene Wenger hjá félaginu. Ef eitthvað þá er þetta verra núna," sagði Carragher í beinni útsendingu.
„Sheffield United spilaði betri fótbolta heldur en Arsenal í fyrri hálfleik. Þetta er eitthvað sem maður gat ekki sagt þegar Wenger var við stjórnvölinn."
Athugasemdir
