Samkvæmt útreikningum eru 91% dómar réttir til þessa á leiktíðinni miðað við 82% á sama tíma á síðustu leiktíð. Fjögur stór mistök setji þó blett á nýju tæknina, atvikin sem tekin eru saman má lesa um hér að neðan.

Vítaspyrnan sem Brighton fékk gegn Everton
Eftir að hafa skoðað atvikið er vítaspyrnan sem dæmd var á Michael Keane fyrir meint brot á Aaron Connolly talin röng niðurstaða.

Vítaspyrnan sem Daniel James fékk gegn Norwich
Daniel James krækti í vítaspyrnu gegn Norwich fyrir meint brot Ben Godfrey. Tim Krul varði vítaspyrnuna en hana átti aldrei að dæma.

Sigurmark Sokratis gegn Palace
Sokratis Papastathopoulous skoraði að því er virtist löglegt mark gegn Crystal Palace en brot var dæmt á Calum Chambers.

Vítaspyrnudómurinn á Jorginho gegn Watford
Jorginho sýndi afar klaufalega takta og missti boltann til Gerard Deulofeu í leik Chelsea og Watford. Jorginho virtist brjóta á Deulofeu og víti dæmt en samkvæmt niðurstöðu átti ekki að dæma það víti.