Enska knattspyrnusambandið hefur sektað Manchester United um 20 þúsund pund (3,2 milljónir króna) eftir hegðun leikmanna í 2-0 tapinu gegn Liverpool um síðustu helgi.
Leikmenn United brjáluðust á 27. mínútu leiksins. Roberto Firmino skoraði þá mark sem var síðar dæmt af eftir að VAR skoðaði atvikið.
VAR taldi Virgil van Dijk hafa brotið á David De Gea markverði Manchester United í aðdraganda marksins.
De Gea og leikmenn Manchester United mótmæltu harðlega við Craig Pawson dómara eftir makrið og Spánverjinn fékk meðal annars gula spjaldið.
Athugasemdir