Sancho, Sesko, Mac Allister, Ten Hag, Raya og fleiri góðir koma við sögu
   mið 24. apríl 2024 08:40
Brynjar Ingi Erluson
Liverpool búið að skipuleggja annan fund með Slot
Tekur Slot við af Klopp?
Tekur Slot við af Klopp?
Mynd: EPA
Enska úrvalsdeildarfélagið Liverpool mun ræða aftur við hollenska þjálfarann Arne Slot á næstu vikum en þetta segir Fabrizio Romano á X.

Arne Slot er nú talinn líklegastur til að taka við af Jürgen Klopp í sumar en enski blaðamaðurinn Paul Joyce greindi frá því að hann væri aðalskotmark félagsins í gær.

Slot vann hollenska bikarinn með Feyenoord á dögunum og varð þá deildarmeistari á síðasta tímabili, en hann kom einnig liðinu í úrslit Sambandsdeildar Evrópu árið 2022, á fyrsta árinu sem keppnin var haldin.

Liverpool var lengi vel á eftir Xabi Alonso áður en hann tók ákvörðun um að vera áfram hjá Bayer Leverkusen. Portúgalinn Ruben Amorim hefur einnig verið orðaður við enska félagið en hann mun væntanlega tilkynna á laugardaginn að hann verði áfram hjá Sporting.

Fabrizio Romano segir að Liverpool hafi rætt við Slot einu sinni og er planið að ræða aftur við hann á næstu vikum. Þar munu stjórnarmenn Liverpool fara fleiri lykilatriði verkefnisins.
Athugasemdir
banner
banner
banner