Fyrir helgi staðfesti Svandís Svavarsdóttir, heilbrigðisráðherra, að allir aldurshópar megi hefja íþróttaiðkun án takmarkana frá og með morgundeginum, mánudeginum 25. maí.
Það verða þó fjöldatakmarkanir á íþróttaviðburðum þar sem samkomubann er enn í gildi. Ekki mega fleiri en 200 einstaklingar vera á sama stað.
Stefnt er á að afnema samkomubannið 21. júní ef kórónuveiran gerir ekki vart um sig aftur.
Fólki er áfram ráðlagt að virða tveggja metra regluna og mun hún vera í gildi á íþróttasvæðum, til dæmis við miðakaup og í sjoppu.
Þá gilda áfram reglur um þrif og sótthreinsun almenningsrýma.
Athugasemdir
