Logi Ólafsson.
„Mitt mat og okkar mat er það að við erum fyrst og fremst vonsviknir að hafa ekki náð að sýna betri leik en við gerðum," sagði Logi Ólafsson, þjálfari FH, eftir 4-1 tap gegn Val í Pepsi Max-deildinni.
Lestu um leikinn: FH 1 - 4 Valur
Þetta var afar mikilvægur leikur fyrir FH upp á titilbaráttuna að gera, en eftir tapið er liðið 11 stigum frá toppliði Vals. FH-ingar eiga þó leik til góða.
„Í stöðunni 0-0 teljum við okkur eiga að fá vítaspyrnu. Mörk breyta leikjum eins og sást í þessum leik. Það gerði töluvert fyrir Val að skoða þarna í byrjun."
Rúmri mínútu eftir að FH gerði tilkall í að fá vítaspyrnu þá fór Valur upp á hinum enda vallarins og skoraði.
„Við eigum að vera nógu reyndir til að taka á slíkum málum, en hins vegar teljum við okkur hafa átt að fá vítaspyrnu og ég held að það sé nokkuð ljóst að við áttum að fá hana. Fyrst og fremst fannst okkur við að hafa getað sýnt betri leik en við gerðum, og það er það sem við situm eftir."
„Valur er með sterkasta lið landsins í dag og eru væntanlega búnir að sigla þessum Íslandsmeistaratitli heim."
Viðtalið er í heild sinni hér að ofan.
