Spænski miðjumaðurinn Gavi gekkst undir aðgerð á hné á dögunum og greindu fjölmiðlar frá því að hann yrði líklega frá keppni í um einn og hálfan mánuð.
Þeim skjátlaðist. FC Barcelona býst við að Gavi verði frá í um fjóra til fimm mánuði eftir þessa aðgerð.
Hann mun því ekki vera liðtækur aftur fyrr en í janúar eða febrúar í síðasta lagi.
Gavi er 21 árs gamall og er þegar búinn að spila 155 keppnisleiki fyrir aðallið Barcelona á ferli sínum sem atvinnumaður í fótbolta. Hann hefur auk þess skorað 5 mörk í 28 A-landsleikjum með ógnarsterku liði Spánverja sem vann EM í fyrra. Gavi var þó ekki í hópnum sem fór á EM eftir að hann sleit krossband.
Þetta er hægra hnéð sem heldur áfram að plaga hann.
MEDICAL NEWS
— FC Barcelona (@FCBarcelona) September 23, 2025
First team player Pablo Páez Gavira 'Gavi' has had an arthroscopy to resolve a medial meniscus injury, which was sutured to preserve the meniscus. Recovery time is estimated at around 4-5 months. pic.twitter.com/IvLzWYR7jC
Athugasemdir
