Championship: Norwich gekk frá Swansea á síðasta hálftímanum

Bandaríski sóknarmaðurinn Josh Sargent kom Norwich á bragðið undir lok fyrri hálfleiks áður en Liam Cullen jafnaði á 62. mínútu leiksins.

Norwich brást strax við með öðru marki Sargent aðeins mínútur síðar og þá skoruðu þeir Lewis Dobbin, Ante Crnac og Emiliano Marcondes þrjú mörk á síðustu fimmtán mínútum leiksins.

Kanarífuglarnir fara upp í 9. sæti deildarinnar með 39 stig en Swansea er í 17. sæti með 34 stig.

Mihailo Ivanovic var þá hetja Millwall í 1-0 sigrinum á Luton í Lundúnum í dag.

Gestirnir í Millwall fengu fullkomið tækifæri til að taka forystuna eftir rúman hálftíma er liðið fékk vítaspyrnu en Aaron Connolly, sem hafði komið inn á sem varamaður stundarfjórðungi áður, klikkaði af punktinum.

Sem betur fer fyrir hans menn þá gerði Ivanovic sigurmarkið hálftíma fyrir leikslok og kom Millwall upp í 15. sæti deildarinnar.

Stoke City og Oxford United gerðu þá markalaust jafntefli á Bet365-leikvanginum í Stoke on Trent.

Luton 0 - 1 Millwall
0-0 Aaron Connolly ('34 , Misnotað víti)
0-1 Mihailo Ivanovic ('61 )

Norwich 5 - 1 Swansea
1-0 Josh Sargent ('44 )
1-1 Liam Cullen ('62 )
2-1 Josh Sargent ('63 )
3-1 Lewis Dobbin ('77 )
4-1 Ante Crnac ('84 )
5-1 Emiliano Marcondes ('87 )

Stoke City 0 - 0 Oxford United