Martínez hefur verið einn allra besti leikmaður deildarinnar á tímabilinu og sýndi það í dag. Hann skoraði fyrsta mark Inter á 15. mínútu leiksins.

Framherjinn fékk stungusendingu í gegn og náði að renna sér í boltann og koma honum þannig framhjá markverði Lecce. Davide Frattesi gerði annað marki á 54. mínútu áður en Martínez gerði annað mark sitt tveimur mínútum síðar.

Stefan de Vrij gerði síðan algerlega út um leikinn með skalla eftir hornspyrnu á 67. mínútu og þar við sat. Inter er með níu stiga forystu á toppnum en Lecce í 14. sæti.

Cagliari og Napoli gerðu þá 1-1 jafntefli. Victor Osimhen skoraði mark Napoli á 66. mínútu en Zito Luvombo eyðilagði fyrir meisturunum með marki undir lok leiks. Napoli er í 9. sæti með 37 stig.

Úrslit og markaskorarar:

Cagliari 1 - 1 Napoli
0-1 Victor Osimhen ('66 )
1-1 Zito Luvumbo ('90 )

Lecce 0 - 4 Inter
0-1 Lautaro Martinez ('15 )
0-2 Davide Frattesi ('54 )
0-3 Lautaro Martinez ('56 )
0-4 Stefan de Vrij ('67 )