Lewandowski skoraði eitt og lagði upp tvö í 3-0 sigri Bayern á útivelli í fyrri leik sínum gegn Chelsea í 16-liða úrslitum Meistaradeildarinnar.

Það er líklegt að hann muni missa af síðari leiknum gegn Chelsea sem fram fer í Þýskalandi. Sem betur fer fyrir Bayern, þá er liðið í mjög þægilegri stöðu fyrir síðari leikinn.

Hinn 31 árs gamli Lewandowski er búinn að eiga magnað tímabil með Bayern. Hann er bæði markahæsti leikmaður þýsku úrvalsdeildarinnar og Meistaradeildar Evrópu.