Heimild: BBC
Enska úrvalsdeildarfélagið Burnley mun halda áfram að borga öllum starfsmönnum sínum þó að hlé hafi verið gert á fótboltatímabilinu vegna kórónuveirunnar.
Margir starfsmenn Burnley vinna bara á leikdögum, en félagið mun áfram greiða þeim sem og öðrum starfsmönnum.
Margir starfsmenn Burnley vinna bara á leikdögum, en félagið mun áfram greiða þeim sem og öðrum starfsmönnum.
Enska úrvalsdeildin hefst ekki aftur fyrr en 30. apríl í fyrsta lagi út af heimsfaraldrinum.
„Það allra mikilvægasta hjá okkur er að sjá til þess að starfsmönnum okkar og fjölskyldum þeirra líði vel á þessum erfiðu tímum," sagði Neil Hart, framkvæmdastjóri Burnley.
Burnley hefur átt gott tímabil og var liðið í tíunda sæti ensku úrvalsdeildarinnar þegar hlé var gert á tímabilinu.
Jóhann Berg Guðmundsson er á mála hjá Burnley en hefur lítið spilað á þessari leiktíð vegna meiðsla.
Athugasemdir