Argentínumaðurinn skoraði sigurmark Rómverja á 16. mínútu í tískulegri þriðju treyju liðsins og fagnaði með því að tilkynna að hann og kærasta hans eiga von á barni.

Dybala var valinn maður leiksins en markið kom Roma aftur upp að hlið Napoli á toppnum með 18 stig.

Hellas Verona glutraði niður tveggja marka forystu í 2-2 jafntefli gegn Cagliari.

Roberto Gagliardini og Gift Orban komu Verona í tveggja marka forystu, en þegar tæpur stundarfjórðungur var til leiksloka minnkaði Riyad Idrissi muninn áður en Mattia Felici skellti jöfnunarmarki í andlitið á Verona undir lok leiks.

Verona er enn án sigurs eftir átta umferðir en er þrátt fyrir það ekki í fallsæti. Liðið hefur gert fimm jafntefli og situr í 17. sæti á meðan Cagliari er í 13. sæti með 9 stig.

Mikael Egill Ellertsson lék allan leikinn með Genoa sem tapaði fyrir Torino, 2-1, þar sem sigurmarkið kom undir lok leiks.

Genoa leiddi í hálfleik með einu marki gegn engu, en þegar hálftími var eftir setti Stefano Sabelli boltann í eigið net og þá skoraði Guillermo Maripan, varnarmaður Torino, sigurmarkið eftir hornspyrnu undir lokin.

Torino er í 11. sæti með 11 stig en Mikael og félagar í Genoa sitja á botninum með aðeins 3 stig.

Sassuolo 0 - 1 Roma
0-1 Paulo Dybala ('16 )

Verona 2 - 2 Cagliari
1-0 Roberto Gagliardini ('23 )
2-0 Gift Orban ('59 )
2-1 Riyad Idrissi ('77 )
2-2 Mattia Felici ('90 )

Torino 2 - 1 Genoa
0-1 Morten Thorsby ('7 )
1-1 Stefano Sabelli ('63 , sjálfsmark)
2-1 Guillermo Maripan ('90 )