Brych er með fremstu dómurum heims en hann dæmdi meðal annars úrslitaleik Meistaradeildarinnar árið 2017 og hefur þá dæmt marga stórleiki bæði EM og HM.

Hann meiddist á hné í leik Frankfurt og Stuttgart í gær og þurfti Patrick Schwengers, fjórði dómari leiksins, að taka við flautunni í fyrsta leik sínum sem vallardómari.

Brych fór í myndatöku og kom þar í ljós að hann væri með slitið krossband og verður hann því frá keppni næstu mánuði, en ólíklegt er að hann geti dæmt meira á þessu tímabili.