Aron Einar í leik með Al Arabi.
Íslendingalið Al Arabi vann góðan sigur á Umm Salal í Emir-bikarkeppninni í Katar í kvöld. Liðið hefur núna ekki tapað í sjö leikjum í röð í öllum keppnum.
Staðan var 1-1 að loknum fyrri hálfleiknum. Al Arabi tók forystuna á 28. mínútu en átta mínútum síðar hafði Umm Salal jafnað metin.
Staðan var jöfn alveg fram á 84. mínútu en þá tók Al Arabi aftur forystuna með marki úr vítaspyrnu. Það reyndist sigurmarkið í leiknum.
Emir-bikarkeppnin er mikilvægasta bikarkeppnin í landinu og er Al Arabi núna komið í 8-liða úrslit. Liðið fór alla leið í úrslitaleikinn á síðustu leiktíð en tapaði þar fyrir Al Sadd.
Aron Einar Gunnarsson spilaði allan leikinn fyrir Al Arabi í dag. Heimir Hallgrímsson er þjálfari liðsins og eru þeir Bjarki Már Ólafsson og Freyr Alexandersson í þjálfarateyminu.
Athugasemdir
