Oliver Glasner þjálfari Crystal Palace var svekktur eftir tap á heimavelli gegn Brentford í ensku úrvalsdeildinni í gær.
Crystal Palace lenti tveimur mörkum undir áður en Romain Esse, sem var nýlega keyptur til félagsins, kom inn af bekknum og minnkaði muninn með sinni fyrstu snertingu í deild þeirra bestu.
„Þetta var ekki frábær leikur, það var lítið um færi og þetta snerist um hvort liðið yrði fyrra til að gera mistök. Liðin núlluðu hvort annað út og því miður vorum við fyrri til að gera mistök þegar við fengum vítaspyrnuna á okkur," sagði Glasner eftir tapið.
Bryan Mbeumo skoraði úr vítaspyrnunni eftir að hann var látinn spyrna aftur. Fyrri spyrnan fór í stöngina og hirti Marc Guéhi frákastið, en hann lagði alltof snemma af stað og því var spyrnan endurtekin. Mbeumo skoraði örugglega í seinni tilraun.
„Við áttum að vera löngu búnir að hreinsa boltann úr teignum og svo vorum við óheppnir að spyrnan var endurtekin. Við reyndum að jafna leikinn á lokakaflanum en okkur tókst ekki að skapa gott tækifæri.
„Hvorugt liðið var uppá sitt besta í dag og við vorum óheppnir að tapa eftir jafnan leik."
Crystal Palace er í neðri hluta deildarinnar með 27 stig eftir 23 umferðir, fjórum stigum á eftir Brentford.
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 31 | 21 | 7 | 3 | 61 | 22 | +39 | 70 |
| 2 | Man City | 30 | 18 | 7 | 5 | 60 | 28 | +32 | 61 |
| 3 | Man Utd | 31 | 15 | 10 | 6 | 56 | 43 | +13 | 55 |
| 4 | Aston Villa | 31 | 16 | 6 | 9 | 42 | 37 | +5 | 54 |
| 5 | Liverpool | 31 | 14 | 7 | 10 | 50 | 42 | +8 | 49 |
| 6 | Chelsea | 31 | 13 | 9 | 9 | 53 | 38 | +15 | 48 |
| 7 | Brentford | 31 | 13 | 7 | 11 | 46 | 42 | +4 | 46 |
| 8 | Everton | 31 | 13 | 7 | 11 | 37 | 35 | +2 | 46 |
| 9 | Fulham | 31 | 13 | 5 | 13 | 43 | 44 | -1 | 44 |
| 10 | Brighton | 31 | 11 | 10 | 10 | 41 | 37 | +4 | 43 |
| 11 | Sunderland | 31 | 11 | 10 | 10 | 32 | 36 | -4 | 43 |
| 12 | Newcastle | 31 | 12 | 6 | 13 | 44 | 45 | -1 | 42 |
| 13 | Bournemouth | 31 | 9 | 15 | 7 | 46 | 48 | -2 | 42 |
| 14 | Crystal Palace | 30 | 10 | 9 | 11 | 33 | 35 | -2 | 39 |
| 15 | Leeds | 31 | 7 | 12 | 12 | 37 | 48 | -11 | 33 |
| 16 | Nott. Forest | 31 | 8 | 8 | 15 | 31 | 43 | -12 | 32 |
| 17 | Tottenham | 31 | 7 | 9 | 15 | 40 | 50 | -10 | 30 |
| 18 | West Ham | 31 | 7 | 8 | 16 | 36 | 57 | -21 | 29 |
| 19 | Burnley | 31 | 4 | 8 | 19 | 33 | 61 | -28 | 20 |
| 20 | Wolves | 31 | 3 | 8 | 20 | 24 | 54 | -30 | 17 |
Athugasemdir
