Ólafur Karl var hetja Vals.
Valur náði í mikilvægan sigur.
Valur 2 - 1 Breiðablik
0-1 Aron Bjarnason ('13 )
1-1 Patrick Pedersen ('62 )
2-1 Ólafur Karl Finsen ('88 )
Lestu nánar um leikinn
0-1 Aron Bjarnason ('13 )
1-1 Patrick Pedersen ('62 )
2-1 Ólafur Karl Finsen ('88 )
Lestu nánar um leikinn
Ólafur Karl Finsen reyndist hetja Valsmanna þegar liðið mætti Breiðablik í stórleik umferðarinnar í Pepsi-deild karla.
Valsmenn hafa verið í vandræðum í undanförnum leikjum, þeir töpuðu gegn Grindavík í síðustu umferð og höfðu þar áður gert jafntefli í þremur leikjum í röð. Það var mikilvægt fyrir Íslandsmeistaranna að fá sigur í kvöld til þess að missa ekki Blikana of langt fram úr sér.
Leikurinn byrjaði ekki vel fyrir Val því Aron Bjarnason kom Blikum yfir á 13. mínútu eftir sofandahátt í vörn Vals.
Heimamenn voru ekki nægilega góðir í fyrri hálfleik, en þeir komu sterkari inn í seinni hálfleikinn og það bar árangur á 62. mínútu er Patrick Pedersen jafnaði metin.
Á 86. mínútu ákvað Ólafur Jóhannesson að setja nafna sinn, Ólaf Karl Finsen inn á í fyrsta sinn í Pepsi-deildinni í sumar. Ólafur Karl kom frá Stjörnunni í vetur og hann ætlaði sér að nýta tækifærið. Hann gerði nákvæmlega það og tryggði Valsmönnum sigurinn með aðeins sinni þriðju snertingu, á 88. mínútu leiksins.
Óli Jó!! Spilaðu þessum manni andskotinn hafi það! Er það flókið?? Þetta er gæi með winners huga sem margir mega taka til fyrirmyndar! @olikalli17 vel gert!
— Rikki G (@RikkiGje) May 27, 2018
Mögnuð innkoma hjá Ólafi Karl, hann tryggði Valsmönnum mikilvægan sigur. Valur er með níu stig, tveimur stigum á eftir toppliðinu sem er áfram Breiðablik.
Athugasemdir
