Það voru rosalegar senur í þýska boltanum í dag en Jamal Musiala tryggði Bayern Munchen þýska titilinn með marki á 89. mínútu leiksins.
Köln jafnaði metin í 1-1 þegar tíu mínútur voru eftir og það þýddi að Dortmund myndi verða þýskur meistari ef að Bayern tækist ekki að skora í restina. Dortmund gerði 2-2 jafntefli á heimavelli gegn Mainz og henti þannig titlinum frá sér.
Það brutust þó út mikil fagnaðarlæti á heimavelli Dortmund þegar Köln jafnaði og stefndi margt í það að Dortmund yrði meistari án þess að takast að sigra Mainz.
Hinn ungi Jamal Musiala, sem er einungis tvítugur, hélt nú ekki en hann tryggði Bayern titilinn með marki þar sem hann skaut knettinum fyrir utan teig og niður í bláhornið. Út brutust mikil fagnaðarlæti hjá leikmönnum og stuðningsmönnum Bayern eins og gefur að skilja.
Sjáðu sigurmarkið hérna.