„Mér fannst þetta virkilega öflug frammistaða af okkar hálfu frá fyrstu sekúndu í rauninni og til þeirra síðustu þannig og það skilaði að mínu mati verðskulduðum góðum sigri." sagði Halldór Árnason þjálfari Breiðablik eftir sigurinn á Samsungvellinum í Garðabæ í kvöld.
Lestu um leikinn: Stjarnan 1 - 4 Breiðablik
,Stjarnan lenti undir í fyrri hálfleik eftir að hafa legið á Stjörnumönnum. Dóri hafði aldrei áhyggjur af leiknum þrátt fyrir það.
,Ég veit ekki hvað gerist. Valgeir (Valgeirsson) fær allaveganna mjög þungt högg inn í teignum og nær ekki andanum og það tekur liðið úr jafnvægi og svo er boltinn í netinu hinumeginn. Ef ég á að segja alveg eins og er þá fannst mér leikurinn spilast þannig að ég hafði aldrei áhyggjur."
Kristófer Ingi Kristinsson kom inn á þegar 25 mínútur voru eftir og skoraði þrennu. Aron Bjarnason og Kristinn Jónsson komu einnig inn á og breytti það leiknum.
„Ekki gleyma Kidda Jóns sem er að spila sínar fyrstu mínútur síðan í Október en ég vona að það sé ekki lausnin að setja þrjá meidda menn inn á en þeir svo sannarlega skiluðu sínu í dag." sagði Halldór Árna og hló.
Viðtalið í heild sinni má sjá í sjónvarpinu hér að ofan.
