Hólmbert er kominn í bikarúrslit með Gwangju!
Íslendingalið Álasunds og Odd eru komin áfram í 32-liða úrslit norska bikarsins. Hólmbert Aron Friðjónsson er þá kominn með Gwangju í úrslit suður-kóreska bikarsins.
Davíð Snær Jóhannsson lagði upp fyrra mark Álasunds í 2-1 sigri á Stjordals Blink.
Hann og Ólafur Guðmundsson byrjuðu báðir hjá Álasundi.
Hinrik Harðarson kom inn af bekknum hjá Odd sem vann C-deildarliði Strommen naumlega í vítakeppni.
Framherjinn tók þriðja víti Odd í vítakeppninni, en markvörður Strommen sá við honum. Odd skoraði úr hinum fjórum vítunum á meðan Strommen klikkaði á tveimur vítum.
Odd því komið áfram í næstu umferð bikarsins.
Hólmbert Aron Friðjónsson var í byrjunarliði Gwangju FC sem vann Bucheon FC, 2-1, í bikarkeppninni í Suður-Kóreu og hjálpaði liði sínu að komast í bikarúrslit.
Hann spilaði fyrri hálfleikinn áður en hann fór af velli.
Gwangju vann einvígið samanlagt, 4-1, og mætir Jeonbuk í úrslitum 6. desember næstkomandi.
Athugasemdir
