Manchester United hefur misst þann eiginleika að geta sýnt yfirburði sína á félagaskiptamarkaðnum. Þetta segir fjölmiðlamaðurinn Andy Mitten.
„Stuðningsmenn Manchester United hafa ekki trú á félagaskiptastefnu félagsins. Þeim finnst skilaboðin frá félaginu vera misjöfn og óskýr. Í mars og apríl sagði Ole Gunnar að félagið gæti mögulega nýtt sér Covid-stöðuna þar sem félagið gæti verið í betri stöðu en önnur félög fjárhagslega," segir Mitten.
„Stuðningsmenn Manchester United hafa ekki trú á félagaskiptastefnu félagsins. Þeim finnst skilaboðin frá félaginu vera misjöfn og óskýr. Í mars og apríl sagði Ole Gunnar að félagið gæti mögulega nýtt sér Covid-stöðuna þar sem félagið gæti verið í betri stöðu en önnur félög fjárhagslega," segir Mitten.
„Á einum tímapunkti var United eina félagið sem hafði ekki fengið einn leikmann til sín í glugganum. Ef Dortmund ætlar ekki að lækka verðmiðann á Jadon Sancho þá verður erfitt að fá hann þaðan. Goðsögn hjá United, fyrrum leikmaður félagsins, sagði við mig í vikunni að félagið hefði misst þann eiginleika að geta nýtt sér myrk öfl á markaðnum."
„Hann kom með dæmi: Ef Sir Alex [Ferguson] vildi fá leikmann þá vissi leikmaðurinn af því og vissi hvar hann myndi spila og hverjir myndu spila við hliðina á sér. Sá leikmaður hefði þá farið til umboðsmannsins og sagt honum að hann vildi fara til United. Ef það var leikmaður Tottenham sem dæmi þá var erfitt fyrir Tottenham að halda leikmanninum í sínum röðum. Þegar Robin van Persie vildi fara til United þá var erfitt fyrir Arsenal að halda honum. Þessi geta United er horfin sem er pirrandi fyrir stuðningsmenn félagsins."
Athugasemdir
