Matheus Cunha er í byrjunarliði United
Brentford og Manchester United eigast við í 6. umferð ensku úrvalsdeildarinnar á samfélagsvellinum í Lundúnum klukkan 11:30 í dag.
Stóru félögin á Englandi úrbeinuðu Brentford í sumarglugganum og byrjun liðsins í deildinni svolítið verið eftir því.
Liðið er aðeins með fjögur stig eftir fimm leiki á meðan Man Utd er með sjö stig.
Bryan Mbeumo, sem gekk einmitt í raðir United frá Brentford í sumar, er í byrjunarliði gestanna. Altay Bayindir heldur sæti sínu í markinu. Matheus Cunha, sem hefur verið að glíma við meiðsli að undanförnu, byrjar einnig ásamt Benjamin Sesko.
Þetta verður í fyrsta sinn sem Cunha, Mbeumo og Sesko byrja, en allir komu til United í sumar.
Diogo Dalot kemur inn fyrir meiddan Noussair Mazraoui og þá kemur Manuel Ugarte inn fyrir Casemiro sem tekur út leikbann.
Aaron Hickey og Dango Ouattara koma inn í byrjunarlið Brentford, en landsliðsmaðurinn Hákon Rafn Valdimarsson er áfram á bekknum.
Brentford: Kelleher, Kayode, Van den Berg, Collins, Hickey, Henderson, Yarmoliuk, Damsgaard, Ouattara, Schade, Thiago
Man Utd: Bayindir, De Ligt, Maguire, Shaw, Dalot, Fernandes, Ugarte, Dorgu, Mbeumo, Sesko, Cunha
Athugasemdir
