Championship: Toppliðið missteig sig gegn Preston

Preston og Fulham áttust við í fyrsta leik dagsins í Championship deildinni í dag. Spilað er í tuttugustu umferð deildarinnar.

Preston, sem er í 14. sæti, lenti undir eftir fimmtán mínútna leik en það var Tim Ream sem skoraði þá fyrir gestina sem leiddu í leikhléi.

Heimamenn í Preston náðu hins vegar að jafna þegar um tuttugur mínútur voru til leiksloka. Ched Evans skoraði þá eftir stoðsendingu frá Jakobsen.

Meira var ekki skorað í leiknum og því 1-1 jafntefli staðreynd. Fulham getur nú misst toppsætið til Bournemouth en liðið mætir Coventry á heimavelli klukkan 15.

Fulham og Bournemouth mætast svo innbyrðis þann 3. desember næstkomandi.