Tekur Conte aftur við Juventus?

„Það er alltaf möguleiki á að ná saman aftur. Mikilvægast er að það sé skilningur til staðar á hugmyndafræði og markmiðum," segir Conte sem var þrjú ár með stjórnartaumana hjá Juventus og vann ítalska meistaratitilinn öll árin.

Conte yfirgaf Tottenham í apríl og hyggst víst ekki taka að sér nýtt starf fyrr en næsta sumar. Hann ræddi við Napoli í október en náði ekki samkomulagi.

„Allir vita að Conte vill snúa aftur til Juventus," segir Zazzaroni. „Allegri vill hætta með Juventus eftir tímabilið. Hann mun taka peninginn og fara. Allegri er tengdur öðru Juventus liði sem er ekki lengur til staðar."

Juventus er í öðru sæti ítölsku A-deildarinnar, tveimur stigum á eftir Inter.