David De Gea
Spænski markvörðurinn David De Gea gæti verið á leið til Sádi-Arabíu, en þetta kemur fram í grein Sun.
De Gea, sem er 33 ára gamall, hefur verið án félags síðan samningur hans við Manchester United rann út í sumar.
Á dögunum var hann orðaður við spænska félagið Real Betis, en hann hefur ekki enn náð samkomulagi við félagið. Launakröfur hans standa í vegi fyrir að hann skrifi undir samninginn, en aðrar dyr gætu hafa opnast fyrir hann.
Sun segir frá því að sádi-arabíska félagið Al-Ettifaq sé að undirbúa samningstilboð handa kappanum. Steven Gerrard, fyrrum leikmaður Liverpool og enska landsliðsins, þjálfar liðið.
Það er ekki eina félagið sem hefur áhuga á De Gea en Al-Nassr er einnig sagt áhugasamt og þá hefur hann verið orðaður við Inter-Miami í MLS-deildinni í Bandaríkjunum.
Athugasemdir
