Expressen greinir frá því að sænski boltinn muni fara af stað 14. júní og heldur því fram að knattspyrnusambandið muni staðfesta þessar fregnir í fyrramálið.
Nokkrir Íslendingar leika í sænsku deildinni, þar á meðal Kolbeinn Sigþórsson í AIK og Arnór Ingvi Traustason hjá Malmö.
Svíum hefur gengið vel að hafa hemil á kórónuveirunni og telja þeir því öruggt að fara aftur af stað með íþróttaheiminn.
Fyrstu leikir verða í útsláttarkeppni sænska bikarsins, sem var kominn á fullt skrið þegar Covid-19 skall á.
Danski boltinn fór af stað í dag og þá styttist óðfluga í upphaf íslenska, enska og ítalska boltans.
Sænski kvennaboltinn ætti ekki að fara af stað fyrr en 27. júní.
Athugasemdir