Guimaraes, Isak, Kimmich, Diaz, Branthwaite, Mainoo og fleiri góðir í slúðri dagsins
   sun 28. maí 2023 11:00
Fótbolti.net
Lið og leikmaður 4. umferðar - Gary Martin og Óskar Örn í liðinu
Lengjudeildin
Axel Freyr Harðarson er leikmaður umferðarinnar.
Axel Freyr Harðarson er leikmaður umferðarinnar.
Mynd: Fótbolti.net - Hafliði Breiðfjörð
ÍA vann Leikni.
ÍA vann Leikni.
Mynd: Fótbolti.net - Haukur Gunnarsson
Arnór Gauti í leiknum gegn Gróttu.
Arnór Gauti í leiknum gegn Gróttu.
Mynd: Fótbolti.net - Eyjólfur Garðarsson
Sóknarþenkjandi leikmenn voru að skora hátt hjá fréttamönnum Fótbolta.net í 4. umferð Lengjudeildarinnar. Því er blásið í alla herlúðra og lið umferðarinnar afskaplega sóknarsinnað.

Leikmaður umferðarinnar:
Axel Freyr Harðarson
Var gjörsamlega frábær í 6-0 sigri Fjölnis gegn Þór og var allt í öllu í sóknarleik Grafarvogsliðsins. Skoraði tvö og lagði upp. Axel lék með Kórdrengjum í fyrra og hefur komið öflugur inn í Fjölnisliðið. Hann er leikmaður 4. umferðar.



Úlfur Arnar Jökulsson, þjálfari Fjölnis, er þjálfari umferðarinnar og þá er annar leikmaður liðsins í úrvalsliðinu, Máni Austmann Hilmarsson skoraði tvö gegn Þórsurum. Það eru Fjölnir, Grindavík og Afturelding sem eru á toppnum með 10 stig eftir fjórar umferðir.

Veðrið setti heldur betur sinn lit á umferðina og Afturelding vann 3-2 útisigur gegn Gróttu á Seltjarnarnesi, í miklum rokleik. Arnór Gauti Ragnarsson skoraði fyrir Aftureldingu og var öflugur við erfiðar aðstæður. Þá kom markvörðurinn Yevgen Galchuk í veg fyrir að úrslitin yrðu önnur.

Grindavík gerði góða ferð til Ísafjarðar og vann 2-0 útisigur. Grindavík á tvo leikmenn í úrvalsliðinu, Óskar Örn Hauksson skoraði bæði mörkin og var maður leiksins. Þá er Sigurjón Rúnarsson í vörninni.

ÍA vann kærkominn sigur þegar liðið vann Leikni 3-2 í Breiðholtinu. Steinar Þorsteinsson lagði upp tvö mörk fyrir Skagamenn sem eru því komnir með sinn fyrsta sigur.

Það var spennandi Suðurlandsslagur í Þorlákshöfn þegar Ægir tók á móti Selfossi. Staðan var lengi vel 1-1 en Selfoss skoraði tvö mörk á síðustu tíu mínútunum og vann 3-1. Guðmundur Tyrfingsson fyrirliði Selfyssinga heldur áfram að skora og þá skoraði Gary Martin einnig.

Marc McAusland varnarmaður Njarðvíkur stendur í vörninni eftir 3-1 sigur gegn Þrótti. Oliver Kelaart skoraði tvö mörk fyrir Njarðvíkinga sem unnu sinn fyrsta sigur í deildinni.

Lið umferðarinnar:
3. umferð - Sam Hewson (Þróttur)
2. umferð - Valdimar Jóhannsson (Selfoss)
1. umferð - Guðjón Pétur Lýðsson (Grindavík)
Stöðutaflan
  L U J T ms: mf: mun Stig
0 0 0 0 0 0 0 0 0
Athugasemdir
banner
banner
banner
banner