Jermaine Pennant, fyrrum leikmaður Liverpool og Arsenal í ensku úrvalsdeildinni, er mikill stuðningsmaður Liverpool eftir að hafa leikið fyrir félagið í þrjú ár frá 2006 til 2009.
Hann hefur sína skoðun á framtíð liðsins og telur hægri kantmanninn Michael Olise vera fullkominn arftaka fyrir Mohamed Salah sem er á för frá félaginu í sumar.
„Liverpool farið út og sækið Olise strax, sama hvað það kostar. Hann er arftakinn fyrir Mo Salah. SAMA HVAÐ ÞAÐ KOSTAR. Hvaða upphæð sem er plús Gakpo," skrifaði Pennant á samfélagsmiðlinum X.
Pennant er duglegur að tjá sig um Liverpool á X en það eru tvær vikur liðnar síðan hann lét Ibrahima Konaté heyra það.
Þetta er heldur ekki í fyrsta sinn sem Pennant hvetur Liverpool til þess að losa sig við Gakpo, leikmann sem er ekki í miklu uppáhaldi hjá honum.
Pennant spilaði sjálfur sem kantmaður og skoraði 3 mörk í 81 keppnisleik með Liverpool, auk þess að gefa 18 stoðsendingar.
Liverpool go out and get Olise right now, at all costs. There is your replacement for Mo salah. AT ALL COSTS. Any amount plus gakpo.
— Jermaine Pennant (@pennant83) April 28, 2026
