Frábær á Ísafirði í gær.
'Komdu með kokteilinn'
Ingibjörg Lúcía var í sigurliði Stjörnunnar gegn Breiðabliki en fékk gagnrýni frá þjálfara Breiðabliks fyrir tæklingu í leiknum.
Hermann Þór Ragnarsson skoraði sína fyrstu þrennu í meistaraflokki í gær þegar ÍBV gerði sér lítið fyrir og skellti Vestra 5-0 á Kerecis-vellinum á Ísafirði.
Hornfirðingurinn tvöfaldaði markafjölda sumarsins með mörkunum í gær. Fótbolti.net ræddi við Hermann.
Hornfirðingurinn tvöfaldaði markafjölda sumarsins með mörkunum í gær. Fótbolti.net ræddi við Hermann.
„Tilfinning er virkilega góð auðvitað. Mér leið alveg ágætlega fyrir leik, smá þreyta, en Elli styrktarþjálfari blandaði kokteil fyrir mig fyrir upphitun þannig maður kom út vel víraður," segir Hermann sem segir kokteilinn háleynilegan og því ekki hægt að gefa upp hvað sé í honum.
„Það var ekkert sérstakt sem gaf það til kynna endilega að þetta yrði góður dagur, en þetta er búið að vera löng helgi, tvær ferðir í Þorlákshöfn með Baldri og vaknað snemma í gærmorgun þannig maður var búinn að ákveða að það mætti ekki vera til einskis."
„Ég verð að segja að fyrsta markið var uppáhalds, alltaf gaman þegar pressan skilar marki," segir Hermann sem gefur öllum liðsfélögunum sínum kredit fyrir þrennuna.
Hann talaði svo sérstaklega um tvo liðsfélaga sína og systur sína, Ingibjörg Lúcíu, sem fékk gagnrýni fyrir tæklingu sína í leik Stjörnunnar og Breiðabliks á fimmtudagskvöld.
„Við Olli og Ardee vorum búnir að tala um að mæta með smá MSN (Messi, Suarez, Neymar) gæði fyrir leik þannig sérstakt kredit á þá og líka sérstakt kredit á systur mína þar sem ég hef tækifærið hérna og hún þarf smá pepp eftir helgina."
Olli er Oliver Heiðarsson og Ardee er Arnar Breki Gunnarsson en þeir spila með Hermanni í sóknarlínunni.
Hermann kom til ÍBV frá uppeldisfélaginu Sindra eftir tímabilið 2022.
Athugasemdir
