Fram gerðu sér ferð suður með sjó í dag þegar lokaumferð Bestu deildar karla fór fram. Frammarar mættu þar Keflvíkingum á HS Orku vellinum í Keflavík.
Keflvíkingar voru fyrir leikinn í kjörstöðu til að enda í efsta sæti neðri helmingsins en þeir voru með töluvert betri markatölu en lið Fram.
Lestu um leikinn: Keflavík 4 - 0 Fram
„Mér fannst við bara uppskera eftir því sem að leikurinn var. Við bara gátum voða lítið í seinni hálfleik." Sagði Guðmundur Magnússon leikmaður Fram eftir leikinn í dag.
Guðmundur Magnússon var mjög svekktur með hvernig leikurinn spilaðist fyrir Fram í dag.
„Já sérstaklega í ljósi þess að við töluðum um það inni í hálfleik að staðan væri 1-0 og við ætluðum að vinna seinni hálfleikinn og svo bara eins og svo oft áður þá gefum við mörk"
„Annað markið, við missum boltann á miðjunni og þeir skora og ég man ekki hvort þriðja eða fjórða markið var líka þannig. Við vorum bara sjálfum okkur verstir í dag."
Guðmundur Magnússon var í baráttunni um gullskóinn en honum vantaði mark í dag til þess að fara uppfyrir Nökkva Þeyr Þórisson í baráttunni en þeir enda tímabilið jafnir með 17 mörk en Nökkvi Þeyr fær skóinn á fleirri spiluðum mínútum.
„Já það var mjög svekkjandi sérstaklega þegar ég var mjög nálægt því í fyrri hálfleik en svona er bara boltinn og ég var alveg undirbúin undir það líka að ná ekki að skora þannig að ég mun taka nokkra daga í að vera svekktur en svona er bara boltinn og ég er mjög ánægður með tímabilið."
Nánar er rætt við Guðmund Magnússon í spilaranum hér fyrir ofan.
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
