Spænska stórveldið er með stærsta launareikning í heiminum en Lionel Messi og liðsfélagar hans hafa samþykkt að lækka laun sín út yfirstandandi tímabil.

Þetta er auðvitað allt gert til þess að aðstoða félagið í kórónuveirufaraldrinum sem er enn í fullum gangi.

Fyrr á þessu ári, þegar Covid-19 skall fyrst á Evrópu, þá samþykktu leikmenn Barcelona að taka á sig 70 prósent launalækkun og hjálpuðu starfsfólki félagsins að fá áfram laun sín borguð.

Leikmenn Barcelona hafa samþykkt áframhaldandi launalækkun, en þeir verða í eldlínunni í dag þegar þeir taka á móti Osasuna í La Liga. Barcelona hefur farið mjög illa af stað í deildinni og er aðeins með 11 stig eftir átta leiki.