30.01.23 - 17:04
Elvar Geir Magnússon
Byssukúla send til eiganda Sampdoria
Massimo Ferrera.
Mynd: EPA
Massimo Ferrera.
Mynd: EPA
Hótunarbréf sem innihélt byssukúlu var sent í höfuðstöðvar ítalska félagsins Sampdoria í dag. Bréfið var stílað á eiganda félagsins, Massimo Ferrera, og fyrrum eiganda, Edoardo Garrone.
Lögreglan hefur hafið rannsókn. Ferrero var forseti Sampdoria en steig af stóli í lok ársins 2021 þegar hann var handtekinn vegna máls sem tengist ekki félaginu.
Hann er þó enn meirihlutaeigandi í félaginu og segja ítalskir fjölmiðlar að hann sé mótfallinn því að selja það, nema hann muni hagnast á því fjárhagslega.
Stuðningsmenn Sampdoria eru margir hverjir reiðir út í Garrone fyrir að hafa selt félagið í hendur Ferrero árið 2014.
Sampdoria er skuldum vafið og er í fallsæti í ítölsku A-deildinni. Flestir stuðningsmenn Sampdoria vonast til þess að félagið verði selt svo það geti fundið stöðugleika.
Hann er þó enn meirihlutaeigandi í félaginu og segja ítalskir fjölmiðlar að hann sé mótfallinn því að selja það, nema hann muni hagnast á því fjárhagslega.
Stuðningsmenn Sampdoria eru margir hverjir reiðir út í Garrone fyrir að hafa selt félagið í hendur Ferrero árið 2014.
Sampdoria er skuldum vafið og er í fallsæti í ítölsku A-deildinni. Flestir stuðningsmenn Sampdoria vonast til þess að félagið verði selt svo það geti fundið stöðugleika.
