Átjánda umferð deildartímabilsins í enska kvennaboltanum var spiluð í dag, þar sem Dagný Brynjarsdóttir lék í frábæru jafntefli West Ham United á útivelli gegn toppliði Chelsea.
Chelsea komst í tveggja marka forystu og var Dagnýju skipt inn af bekknum á 35. mínútu, í stöðunni 2-0 fyrir heimakonur.
West Ham spilaði flottan leik eftir að Dagný kom inn af bekknum og tókst að jafna metin í 2-2. Það er magnað afrek í ljósi þess að Englandsmeistarar Chelsea höfðu sigrað alla leiki sína á deildartímabilinu til þessa nema tvo, sem lauk einnig með jafntefli.
Chelsea er með 48 stig eftir 18 umferðir, sex stigum fyrir ofan Arsenal og Manchester United í toppbaráttunni þegar aðeins fjórar umferðir eru eftir.
Dagný og stöllur í liði West Ham sigla lygnan sjó í sjöunda sæti, með 19 stitg eftir 18 umferðir.
Arsenal og Man Utd unnu leiki sína í dag, þar sem Bethany Mead var atkvæðamest með tvennu í auðveldum sigri Arsenal á meðan Dominique Janssen og Grace Clinton sáu um markaskorun Rauðu djöflanna.
Liverpool tapaði á heimavelli gegn Aston Villa á meðan Manchester City kom, sá og sigraði í Brighton.
María Þórisdóttir lék í tapi Brighton gegn Man City á meðan Hlín Eiríksdóttir lék í jafntefli Leicester City gegn Tottenham, eins og var greint frá fyrr í dag.
Chelsea 2 - 2 West Ham
Man Utd 2 - 0 Everton
Brighton 1 - 2 Man City
Crystal Palace 0 - 4 Arsenal
Leicester 1 - 1 Tottenham
Liverpool 1 - 2 Aston Villa
Stöðutaflan
England
England - konur
England
England - konur
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Manchester City W | 18 | 15 | 1 | 2 | 52 | 15 | +37 | 46 |
| 2 | Man Utd W | 18 | 11 | 5 | 2 | 37 | 17 | +20 | 38 |
| 3 | Chelsea W | 18 | 11 | 4 | 3 | 32 | 15 | +17 | 37 |
| 4 | Arsenal W | 16 | 10 | 5 | 1 | 33 | 10 | +23 | 35 |
| 5 | Tottenham W | 18 | 9 | 2 | 7 | 29 | 31 | -2 | 29 |
| 6 | Everton W | 18 | 6 | 2 | 10 | 21 | 29 | -8 | 20 |
| 7 | London City Lionesses W | 18 | 6 | 2 | 10 | 19 | 30 | -11 | 20 |
| 8 | Aston Villa W | 18 | 5 | 5 | 8 | 24 | 37 | -13 | 20 |
| 9 | Brighton W | 17 | 5 | 3 | 9 | 20 | 22 | -2 | 18 |
| 10 | Liverpool W | 18 | 3 | 5 | 10 | 17 | 27 | -10 | 14 |
| 11 | West Ham W | 18 | 3 | 3 | 12 | 15 | 40 | -25 | 12 |
| 12 | Leicester City W | 17 | 2 | 3 | 12 | 9 | 35 | -26 | 9 |
Athugasemdir
