Ítalíumeistarar Napoli lögðu Cagliari að velli í 2. umferð deildartímabilsins í Serie A deild ítalska boltans.
Staðan var markalaus í Napolí allt þar til í uppbótartíma venjulegs leiktíma. Heimamenn höfðu verið sterkari aðilinn en þeim tókst ekki að skora fyrr en á 95. mínútu. Miðjumaðurinn sterki André-Frank Zambo Anguissa skoraði þá eftir mikinn sóknarþunga.
Scott McTominay og Kevin De Bruyne voru báðir í byrjunarliðinu hjá Napoli en Lorenzo Lucca leiddi sóknarlínuna í fjarveru Romelu Lukaku. Napoli er að fá inn Rasmus Höjlund úr röðum Manchester United sem mun berjast við Lucca og Lukaku um framherjastöðuna undir stjórn Antonio Conte.
Lánsmaðurinn Evan Ferguson lagði þá upp eina markið í leik Roma á útivelli gegn nýliðum Pisa. Staðan var markalaus í tíðindalitlum leik allt þar til á 55. mínútu þegar Matías Soulé setti boltann í netið.
Soulé var aftur á ferðinni sex mínútum síðar en ekki dæmt mark eftir athugun í VAR-herberginu vegna hendi í aðdragandans.
Pisa tókst ekki að jafna metin svo lokatölur urðu 0-1.
Napoli og Roma eru bæði með sex stig eftir tvær fyrstu umferðir tímabilsins, án þess að fá mark á sig. Pisa og Cagliari eiga eitt stig á haus eftir jafnteflisleiki í fyrstu umferð.
Napoli 1 - 0 Cagliari
1-0 Andre Zambo Anguissa ('90 )
Pisa 0 - 1 Roma
0-1 Matias Soule ('55 )
Athugasemdir
