Giorgio Chiellini hefur staðfest það að hann muni spila með Juventus á næstu leiktíð en hann er samningslaus þessa stundina.
Chiellini hefur ekki framlengt samning sinn við Juventus en allar líkur voru þó á því að það myndi gerast á endanum.
Chiellini vill lyfta fleiri titlum með Juventus en hann er 36 ára gamall og vann EM með Ítalíu í sumar.
Varnarmaðurinn er í fríi þessa stundina en mætir aftur til æfinga strax eftir helgi.
„Ég þarf nokkra daga í viðbót til að jafna mig eftir brjálæðið í síðasta mánuði," sagði Chiellini.
„Á mánudaginn þá mæti ég aftur til Túrin og fer glaður af stað á ný."
Samtals hefur Chiellini spilað 535 leiki fyrir Juventus á ferlinum.
Athugasemdir
