Nýliðar Sunderland eru í viðræðum við Chelsea um að fá spænska framherjann Marc Guiu á láni út tímabilið.
Þessi 19 ára gamli leikmaður kom til Chelsea frá Barcelona á síðasta ári fyrir 6 milljónir evra og tókst að skora 6 mörk í 16 leikjum í öllum keppnum á fyrsta tímabili sínu með þeim bláu.
Sky Sports segir að Chelsea sé opið fyrir því að lána hann út fyrir komandi tímabil og hefur Sunderland sett sig í samband við Lundúnafélagið.
Sunderland hefur styrkt sig verulega í glugganum og alls fengið sjö leikmenn, þar á meðal Granit Xhaka frá Bayer Leverkusen og Simon Adingra frá Brighton.
Nýliðarnir eru ekki þeir einu sem hafa áhuga á Spánverjanum, en RB Leipzig og Roma hafa einnig verulegan áhuga á að fá hann á láni og verður gaman að sjá hvaða félag mun hreppa hann í glugganum.
Athugasemdir
