Þorlákur Árnason var að vonum ánægður með 2-0 sigur sinna stúlkna á FH í Garðabænum í kvöld, í 5.umferð Pepsi-deildar kvenna. Sigurinn var þó torsóttur í meira lagi.
,,FH-ingar komu baráttuglaðar til leiks og þær spiluðu mjög vel en hinsvegar fengu við ansi mörg tækifæri í fyrri hálfleik til að skora mörk en á meðan þú nýtir þau ekki þá á endanum fær hitt liðið færi eins og gerðist í stöðunni 0-0," sagði Þorlákur sem vitnar þá í byrjun seinni hálfleiks þegar FH-stelpur fengu tvö gjörsamlega dauðafæri, fyrra skiptið ein á móti varnarmanni Stjörnunnar og svo í seinna skiptið ein á móti Söndru í markinu,
,,Maður er auðvitað stressaður þegar hlutirnir ganga ekki upp og þetta var erfiður leikur gegn góðu liði en við fengum örmul af færum í þessum leik samt sem áður eins og í mörgum öðrum leikjum," svaraði Þorlákur aðspurður hvernig honum leið þegar FH sótti stíft á þær í byrjun seinni hálfleiks.
Inga Birna Friðjónsdóttir kom inn á sem varamaður á 55.mínútu, 8 mínútum síðar var hún búin að leggja upp mark og síðan skoraði hún seinna mark Stjörnunnar, Þorlákur var virkilega ánægður með innkomu hennar sem og allra varamannana, sem komu inná,
,,Inga Birna breytti leiknum, við erum með góða breidd og allir þrír varamennirnir sem komu inn á, í dag breyttu leiknum," sagði Þorlákur.
Viðtalið í heild sinni er hægt að sjá í sjónvarpinu hér að ofan.
