,,Við settum okkur það markmið fyrir tímabilið að það kemur enginn hingað og sækir stig," sagði Hilmar Trausti Arnarsson fyrirliði Hauka eftir sigur liðsins á Leikni R. í dag.
,,Leiknismennirnir eru mjög leiknir. Þeir voru komnir með bakið upp við vegg og ekki enn búnir að ná í sigur þannig að við vissum að þeir kæmu brjálaðir til leiks. Það sýnir karakter að koma hingað tæpum þremur sólarhringum eftir framlengdan leik við Fram."
Bæði mörk Hauka í dag komu eftir föst leikatriði. ,,Við erum ekkert að æfa þessi föst leikatriði sérstaklega en erum sáttir að geta nýtt þau og ætlum að halda því áfram."
Hilmar Trausti er að útskrifast í dag og hann fékk því sigur í útskriftargjöf. ,,Það var góð gulrót fyrir mig persónulega og alla strákana. Þetta verður góður dagur og gott kvöld," sagði Hilmar að lokum.
Hér að ofan má sjá viðtalið í heild sinni.
