Michael Zorc, yfirmaður knattspyrnumála hjá Borussia Dortmund, segir að félög eigi ekki einu sinni að reyna að fá enska kantmanninn Jadon Sancho í sumar.
Sancho hefur slegið í gegn hjá Dortmund og í kjölfarið verið sterklega orðaður við Manchester United.
Sancho er 19 ára og kom upp í gegnum akademíuna hjá Manchester City áður en hann fór til Dortmund í leit að meiri spiltíma. Hann hefur spilað mikið á þessu tímabili og verið virkilega flottur.
Zorc ræddi við Sky Sports um Sancho í gær og sagði þar að önnur félög ættu að sleppa því að setja sig í samband við Dortmund varðandi Sancho.
„Við höfum ekki fengið tilboð, við búumst ekki við tilboðum og við viljum engin tilboð. Sancho verður hjá okkur á næstu leiktíð. Enginn þarf að hafa samband," sagði Zorc við Sky í Þýskalandi.
Athugasemdir