Manchester United er nálægt því að kaupa kantmanninn Daniel James frá Swansea fyrir 15 milljónir punda.
Sky Sports greinir frá þessu í morgunsárið.
Sky Sports greinir frá þessu í morgunsárið.
Ekki er um þekktasta nafnið í bransanum að ræða. Þetta er 21 árs gamall strákur sem er fæddur í Englandi en spilar fyrir landslið Wales. Hann spilaði 24 leiki fyrir Swansea á þessari leiktíð.
Hann leikur sem kantmaður en í janúar var hann næstum því genginn í raðir Leeds. Það gekk á endanum ekki upp því Swansea hætti einfaldlega að svara Leeds og var hann því áfram hjá Swansea.
Nú virðist hann vera að ganga í raðir Manchester United. Ole Gunnar Solskjær hefur talað um það að hann vilji breyta kaupstefnu félagsins og ætlar hann að einbeita sér frekar að leikmönnum með rétta hugarfarið.
Ef kaupin á James ganga upp þá verður hann fyrsti leikmaðurinn sem Solskjær fær til United.
Manchester United mun leika í Evrópudeildinni á næsta tímabili.
BREAKING: Manchester United are close to agreeing a deal to sign Swansea City winger Daniel James for £15m
— Sky Sports News (@SkySportsNews) May 10, 2019
Athugasemdir
