Ekki náðist að klára leik Grasshopper og Luzern í svissnesku úrvalsdeildinni í dag. Það þurfti að flauta leikinn af vegna óláta stuðningsmanna Grasshopper.
Rúnar Már Sigurjónsson var í byrjunarliði Grasshopper í leiknum og var hann enn á vellinum þegar stuðningsmennirnir tóku málin í sínar eigin hendur.
Mbl segir frá því að stuðningsmenn hafi stillt sér upp og hótað því að fara inn á völlinn þegar Luzern var komið 4-0 yfir.
Dómari sá sér engan annan kost en að flauta leikinn af. Þetta er í annað skipti á nokkrum vikum sem stuðningsmenn Grasshopper verða til þess að leikur er flautaður af.
Félagið hefur fordæmt hegðun stuðningsmanna.
Gengi Grasshopper á leiktíðinni hefur verið hörmulegt og er liðið fallið úr deildinni. Allar líkur eru á því að Rúnar skipti um lið í sumar.
Athugasemdir