„Ég á von á mikið af mörkum. Við ætlum að fara all in í þennan leik," segir Arnar Gunnlaugsson, þjálfari Víkings, um úrslitaleik Mjólkurbikarsins gegn FH á Laugardalsvelli klukkan 17:00 á morgun.
Víkingar hafa spilað marga fjöruga leiki í sumar og Arnar ætlar að sækja til sigurs á morgun.
„Ég horfði á marga úrslitaleiki þegar ég var yngri og ég þoldi ekki þegar lið komu í úrslit og fóru að spila af varnfærin," sagði Arnar.
„Þetta er sýningarleikur fyrir knattspyrnuáhugamenn og þá ber okkur þjálfurunum skylda að bjóða upp á eitthvað gott á boðstólnum. Við ætlum að gera það og ég veit að Óli (Ólafur Kristjánsson, þjálfari FH) kollegi minn ætlar að gera það líka."
Hér að neðan má sjá viðtalið í heild.
Smelltu hér til að kaupa miða á úrslitaleikinn
Athugasemdir