Spænski miðjumaðurinn Mikel Merino er líklega með brotið bein í fæti samkvæmt David Ornstein hjá The Athletic.
Merino hefur fundið fyrir óþægindum í fæti og benda fyrstu rannsóknir til þess að hann sé brotinn. Þetta þýðir að leikmaðurinn verður frá keppni næstu vikurnar eða jafnvel mánuðina.
Arsenal, sem trónir á toppi ensku úrvalsdeildarinnar, er því í leit að nýjum miðjumanni til að fylla í skarðið en félagið hefur ekki áhuga á að kaupa inn nýjan leikmann svo seint í janúar. Því ætlar stórveldið að skoða lánamarkaðinn til að reyna að fá liðsstyrk út tímabilið.
Það er þétt leikjaprógram framundan hjá Arsenal sem er ennþá með í öllum keppnum og mætir Chelsea í undanúrslitum deildabikarsins á þriðjudagskvöldið.
Athugasemdir
