Nottingham Forest vann ótrúlegan sigur á Man Utd á heimavelli í úrvalsdeildinni í kvöld.

Bruno Fernandes fékk fyrsta tækifæri leiksins þegar hann átti skot fyrir utan teiginn eftir fjögurra mínútna leik en Mats Sels varði í horn.

Upp úr hornspyrnunni komst Nottingham Forest í hraða skyndisókn. Anthony Elanga fékk boltann og brunaði upp allan völlinn og skoraði framhjá Andre Onana og kom Forest yfir.

Eftir hálftíma leik fékk Diogo Dalot tækifæri til að jafna metin fyrir Man Utd en hann átti skalla sem fór í slá.

Rasmus Höjlund byrjaði á bekknum hjá Man Utd eftir að hafa skorað í 3-0 sigri gegn Leicester í síðustu umferð. Hann kom inn á sem varamaður strax í upphafi seinni hálfleiks og var ekki lengi að láta til sín taka.

Hann komst í gott færi een skot hans fór af varnarmanni og framhjá í horn.

Man Utd var með þónokkra yfirburði í seinni hálfleik. Ruben Amorim setti Harry Maguire inn á í fremstu víglínu undir lok leiksins, han fékk tækifæri í uppbótatíma en skallaði langt framhjá úr góðu færi.

Hann fékk svo síðasta tækifæri leiksins en Murillo bjargaði á línu og tryggði Nottingham Forest stigin þrjú.

Nottingham Forest er í 3. sæti með 57 stig, fjórum stigum á eftir Arsenal. Man Utd er í 13. sæti, tveimur stigum á eftir Crystal Palace sem á tvo leiki til góða.