Barcelona selur 10% af sjónvarpsrétti næstu 25 ára

Fjárfestingarfyrirtækið Sixth Street keypti þennan hlut og segir í yfirlýsingu frá Barcelona að þetta bæti fjárhag félagsins um 267 milljónir evra fyrir tímabilið.

Börsungar þurfa á peningnum að halda enda virðast þeir eiga í örðugleikum á leikmannamarkaðinum. Franck Kessie og Andreas Christensen koma á frjálsri sölu en hafa ekki enn verið kynntir og þá virðist félagið ekki hafa efni á kaupverðinu fyrir Robert Lewandowski og Raphinha.

Stjórn félagsins kaus um fjárfestinguna og voru nánast allir sammála um að samþykkja þetta tilboð frá Sixth Street.