Leeds United vann ákaflega mikilvægan 1-0 sigur segir Crystal Palace í gær. Sigurinn gefur liðinu andrými og lyftir því fjær fallsætunum.

Brasilíumaðurinn skemmtilegi Raphinha skoraði eina mark leiksins úr vítaspyrnu í uppbótartíma í leik þar sem ekki voru mörg opin færi.

„Raphinha er okkur mjög mikilvægur og það þarf karakter til að taka vítaspyrnu á þessum tíma, persónuleika og hugrekki. Hann gaf okkur stigin þrjú," sagði Marcelo Bielsa.

Raphinha er algjör lykilmaður í sóknarleik Leeds og þá er hann að festa sig í sessi í landsliði Brasilíu. Hann lék sinn fyrsta landsleik á þessu ári og er kominn með tvö mörk í fimm leikjum.

„Við höfum ekki fengið mjög mörg stig á þessu tímabili og við lítum á hvern leik sem tækifæri til að bæta úr því. Andstæðingarnir hafa þróað sinn leik vel og það var erfitt að halda marki okkar hreinu," sagði Bielsa eftir sigurinn gegn Palace.

Erfið leikjadagskrá Leeds í desember
Leeds á annan heimaleik á sunnudaginn, gegn Brentford, og þar á eftir fylgir svo strembin leikjadagskrá út mánuðinn. Leeds mun leika gegn Chelsea, Manchester City, Arsenal, Liverpool og Aston Villa áður en nýtt ár gengur í garð.

STUÐNINGSSVEIT
FÓTBOLTA.NET

Komdu í hópinn!

Sífellt fleiri lesendur styrkja rekstur Fótbolta.net með mánaðarlegum greiðslum.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit