Sagt var frá því í tilkynningu frá enska fótboltasambandinu í gær að White væri að yfirgefa hópinn af persónulegum ástæðum.

Rætt var um það í HM hringborðinu í gærkvöldi að það hlyti eitthvað alvarlegt að hafa gerst í persónulegu lífi leikmannsins en í yfirlýsingunni var einnig beðið um að White fengi næði á næstu dögum og vikum.

„Persónulegar ástæður, það er hægt að gefa sér að það er leiðinlegt mál," sagði Sæbjörn Þór Steinke.

Einnig var rætt um það hvernig Arsenal, félag White, kom fram á samfélagsmiðlum en Lundúnafélagið birti færslu og skrifaði við hana: „Við erum öll með þér Ben."

White hefur verið að spila vel á tímabilinu með Arsenal en hann kom ekkert við sögu á HM með Englandi.

STUÐNINGSSVEIT
FÓTBOLTA.NET

Komdu í hópinn!

Framlag lesenda skiptir máli til að halda úti Fotbolti.net.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit