Arnar Sveinn Geirsson, leikmaður Fylkis og forseti leikmannasamtaka Íslands, var í viðtali í gær við Morgunblaðið í gær um stöðuna.
Reglur varðandi kórónuveiruna á Íslandi hafa verið hertar eftir að smit fóru að aukast. Tveggja metra reglan er komin aftur í gildi og eru manna takmörk á samkomum.
Reglur varðandi kórónuveiruna á Íslandi hafa verið hertar eftir að smit fóru að aukast. Tveggja metra reglan er komin aftur í gildi og eru manna takmörk á samkomum.
Arnar telur að leikmenn séu tilbúnir í að gera það sem þarf til að hægt sé að klára Íslandsmótið. Það er mikil óvissa varðandi það hvort leikir og æfingar geti farið fram, en sóttvarnarlæknir er búinn að gefa tilmæli um að íþróttastarfssemi með snertingu verði stöðvuð til 13. ágúst.
„Maður veit ekki hvað þetta varir lengi. Nú er búið að herða samkomubann í tvær vikur og KSÍ búið að fresta leikjum til 5. ágúst en það hefur enga merkingu aðra en að staðan verður tekin aftur þá. En þetta er bara staðan og það þýðir ekki annað en að vera bjartsýnn á að þetta byrji sem fyrst aftur," segir Arnar Sveinn.
Fótbolti erlendis hefur farið fram án áhorfenda á völlunum og var spilað í Mjólkurbikarnum síðasta fimmtudag án áhorfenda.
„Ég held að leikmenn liðanna séu tilbúnir að gera það sem þarf til að klára mótið. Það er auðvitað ekki jafn skemmtilegt án áhorfenda," segir Arnar og bætir við: „Ég held að það sé vilji allra að spila en svo er spurningin hvort félögin geta það. Geta þau haldið leiki og verið með fólk í gæslu þegar engar tekjur koma inn af leikjum? Ég held samt að langflestir séu á því að klára mótið, sé kostur á því."
„Það verður að koma í ljós með hvaða hætti það verður gert og snýst auðvitað á endanum um öryggi fólks. Það eina sem hægt er að gera í þessu er að bíða, vona það besta og búa sig undir það versta."
Viðtalið má lesa HÉRNA.
Athugasemdir